't landj woor verdórve en äöverbevolktj.Hae besloot daoróm dit deil van zien sjepping op te rume.
d'n Hiër daaldje neer en goof aan Noë de opdrach eine Ark te boewe
en twië exemplare van eder laevendj waeze, same mit 'n paar gooj minse te redde.
,,Hiej is 't plan" zag God,
,,spooj dich, áöver zès maondj zal 't fiërtig daag en nachte beginne te raegene"
,, De Bilt zal det neet kènne verklaore en weer ein raeje oet d'n doem zoege,
zoeget wie de opwerming van de aerd"
Nao zès maondj begòs 't te raegene.
D'n Hiër keek nao ònger en zoog Noë zitte te bäöke in zien ónger geloupe häöfke, mer zoog geine Ark.
,, Noë" dónderdje Hae. ,, Woo is dae Ark?"
,, Vergaef mich Hiër," smeekdje Noë. ,, De regels zeen zoa väöl verangerdj taege vreuger"
,, Ich haw ein speciaal boew-vergunning nuëdig van Börgemeister en Wethaojers en höb mòtte spraeke wie Brugman mit de inspecteurs van de Verzekeringsmaatschappie in verbandj mit de opstal- en brandjverzekering."
,, Miene naober bewaerdj det ich äöver de roojlien bön gegange mit miene Ark en det ich de maximale huëgdje neet höb gerespekteerdj"
,, De deilcommissie mòt hiej nag oetspraok äöver doon". ,, Ouch lègke ze ein klach neer waeges geluids-äöverlas bie de sjelderme. Die höbbe de brandwaer ingesjakeldj òm maetinge te doon."
,, Ich bön gotweit wie dök bie de gemèndje, aafdeiling planologie, mòtte kòmme väör ein boewbesloet."
,, De Provinsie haef de kwestie noe in henj."
,,Ouch de luuij van 't ministerie van Verkiër en Waterstaot zeen d'r mit gemeutj. Ze eise eine borg väör de mäögelikke köste van de aanpassing van de infrastruktuur es de Ark verplaatsj mòt waere nao de zië."
,,Ich höb hun vertèldj det de zië tot hiej zal kòmme, mer dao geluive ze geine snars van."
,,Ouch waer ich noe dageliks lestig gevalle door de luuj vanne gezèt, d'n tillevisie en de roddelpers"
,, 't Hout inkoupe waas ein anger probleem. De lenkse pertieje trèkke van laer taege 't kappe van inlands hout, dit òm de gevlekdje bos-uul te besjerme. Ich probeer de aktiviste te äövertuge det ich 't hout jus nuëdig höb om dae uul en de gooj minse te redde. Gein gehuër, mer väöl agressie taege mich."
,, Ich verzameldje òngertäöse de dere zoa es Geer mich hadj opgedrage, mer waerdje aangeklaagdj door de derebesjerming. Marianne Thiemer van de partie väör de dere, bewaerdje det ich de dere teage hunne wil gevange heel.Ouch vonj ze det de accomadatie te beperktj is en det 't versjrikkelik vrië is zoväöl dere op zo'nne kleine Ark te haoje."
,, 't Ministerie van Landjboew beslisdje det ich geine Ark moog boewe zonger det ich ein miljeueffekte raport mòt laote opmake door ein erkèndj ingenieursburo äöver de door Euch väörspeldje wateräöverlas.
Òngertösse bön ich nag steeds bezig mit ein klach van 't centrum väör Racisme-bestriejing op te losse, ze eise toegankelikheid väör ederein."
,, Van 't CWI mòt ich ein bepaoldj perzentage Allogtone inhure om de Ark mit te helpe boewe. Van d'n angere kantj wille de vakbunj det ich ènkele aojer tummermen oet de ww mit arke-boew ervaring aan 't werk zit."
,, Minister Wouter Bos wiltj gein export verklaoring aaggaeve väör 't geval det de Ark op drif raaktj.
Jan Peter Balkenende eistj deilnumming van alle EU-lenjer."
,,Om de zake nag erger te make haef de belastingdeens same mit de doeane op alles waat ich höb beslaag gelagdj. Ze bewaere det ich 't landj illegaal oetgaon mit mitnumme van bedreigje deer-saorte."
,, En wie m'n op 't ministerie van Volksgezòndheid huërdje van al die dere, begòste ze drek äöver ein mès-aktie plan." Ouch vroge ze of ich nag noats gehuërdj haw van insjrieve bie de Kamer van Kouphanjel?"
,, En den zwieg ich nag äöver de probleme die ich höb mit al die politici, die mit get naat vingerwerk allemaol waal urges emes kénne vénje in hunne kénnisse-krénk, dae absoluut mit mòt op de Ark."
,, Dus vergaef mich Hiër, 't zal minstens tiën jaor doere iër de Ark klaor is."
Op èns sjètj 't oet mit raegene. D'n hemel klaortj op en de zón begintj te sjiene.
Noë kiktj verwònjerdj op: ,, Wiltj det zègke det Geer dit landj neet gaontj oprume?" vreugtj der.
,, Nae" sprook d'n Hiër.
,, Eur regering is dao al flink mit bezig" !!!!!
