D'r is niks mieë om te deile
gein wäörd, gein bèd, gein traon.
't Ingeliestj gemis det mòt heile
door zwiegendj oppe sjouw te staon.
Niks is nog hiej, alles is guns
en väöl laegdje bliftj noe achter.
Weite detse neet mieë köms
ganse nachter..... blieve wachte.
De oere kroepe in det gerdien
't hert sluitj wie ein voes.
De moere krumpe vanne pien
in dit groeate gekkehoes.
En ich weit, doe köms noeats mieë thoes!
