START BIDPRENTJES PEY & OMSTREKEN LILBOSCH & PEY 40-45 FOTOCOLLAGE TEKSTEN GASTENBOEK INFO

TEKSTEN

Oos kribke

Ein verhaolke van Riny Jennissen oet d'n tied wie 't bie de Sjrieverskrènk Ech woor.

 

Oos kribke

 

Het is alweer bienao kersmis en ich sjravel mich de zölder op om mien kersgerei weer bie ein te zeumere. Alles weurtj nao ónger gesleiptj en den begin ich mit ‘t versiere van de kersboum. Es ieëste waere de lempkes d’r in gehange. Den de èngelkes, de klökskes en de kersböl. Alles weurtj oet ’t gezèttepepier gedrejt en verzichtig aan road kerslintj in de boum gehange. Nag get iespegels en de piek en den is de boum klaor.

 

Noe is ’t kribke aan de bäört. Oos kribke is ein zelfgemaaktj houte stelke det opa nag gemaaktj haetj. Het is bès ein groat stelke mer det haef zien raeje.

Toen ich de ieëste kieër de kersstal opzat ging der get mis. Ich hów ieës ’t mós in ’t kribke gedaon. Dao nao alle beeldjes op de plaats gezatj. Maria en Josef mit ’t kiendje Jesus stónge väöraan en de herders mit de sjäöp get mieër nao achter.

De os en de aezel stonge zoaget in de midde.

 

Wie ich de kamer oet woor koom oos kat ‘Moes’ en die begós alle beeldjes d’r oet te meppe. Ein väör ein heef Moes de beeldjes mit ein puuetje ’t kribke oet tót ze allemaol der naeve loge. Dao nao kroop Moes zelf in ‘t kribke en nèsteldje zich dao lekker neer op ’t mós. Toen ich weer de kamer in koom wis ich neet waat ich zoog. Moes loog lekker te ronke in de kersstal. Vanaaf dae tied woor Moes neet mieër weg te hówwe oet ’t kribke.

 

Noe witj geer woorom  weer opa gevraogdj höbbe om ein grótter kribke väör ós te make. Noe zit ich de beeldjes gans väör aan en liktj Moes d’r achter lekker opgeroldj te spinne. Mieër vreej kèns se dich toch neet wènse in ein kribke!!!

 

 

                                                                                                                   Riny Jennissen

Een idee om te lezen: "Slekkerboys F1 kampioen"