't is Kersmis
Ein gans jaor alweer väörbiej,
boete is het kawd
en 't is vies van de snieë.
Doe kiks nao den hemel
en zeuks nao ein ster of..
geis nao de nachmès
nao hem, nao oze Leve Hieër.
In dien henj brandj ein kaes,
doe weurs van bönne gans werm,
't leefste slootse gans de waereld in dien erm.
't is Kersmis
Mèn verheug zich en mèn zungtj äöveral,
van Maria en Jozef, 't kèndj in dae stal.
Doe vreugs dich aaf, waat dae èngel haw gezag
aan die herders op het veldj, in die Heilige Nach.
Misjien zag dae zoeaget van:
M'leef luuj, weer zeen nach lang neet verlaore
hie is jao de zoon väör uch gebaore.
't is Kersmis
Mèn zuutj waat väör ein raar volk weer zeen
det mit zo'n daag pas tòt bezinning kömptj.
En den pas, in deze sjoeane bereidvolle tied
wie det feine, det werme geveul van bönne kömptj.
't is Kersmis
't Snietj, mèr dèn hemel straoltj en is klaor.
Weer wènse euch sjoean kersdaag
en ein gelökzieëlig nuu-jaor.