Vreuger.
't Is lang geleeje luuj
ich waas nog eine blaag
de haore in eine pònnie
ein korte bòks en eine bloes mit matroeaze kraag.
De hoezer woore lang neet zoea net wie noe
mer doe bleef de kirk aope en neet toe
de boer wirkdje nog mit ker en paerd
de gölje woor grif 100 cente waerd.
En 's zaoterdigs mòste weer in "bad"
ein kuup mit water, die pap in de käöke zat
en ein väör ein de kuup in en den weer droet
de käöke leek waal eine sauna, de zwaam leep langs de roet.
En esse zònne buujel bes
den höbse mer te wachte, want dien bäört is 't les
't water is den lang neet werm mér vot law
pap guuetj nog ein klats water drin en zaetj: noe doe de kuup in en gaw.
Soms dènk ich nag beslisj
waem van die angere haef es ieëste in de kuup gepisj?
