START BIDPRENTJES PEY & OMSTREKEN LILBOSCH & PEY 40-45 FOTOCOLLAGE TEKSTEN GASTENBOEK INFO

TEKSTEN

Toiletbäöstel

Ein "wäör" väörgevalle gevélke, gezeen door de bril van.... Cornelke.

Op de Slek kömtj op ‘ne boerenhaof

ein ménke ’t erf op geloupe

“Medam,” vraogtj hae, “wiltj geer mesjien

van ’ne invalide mins gét koupe?”

 

“Ich hób ’n wanjelendje neer

en ’t zoerbranje in de knieje.

eine dóbbele breuk mit sjuufdäöre

en tiaen kénjer die hónger lieje”.

 

’t Véltj neet mit, door waer en wèndj,

mien ware aan de man te brènge.

Geluiftj geer, dét de traone mich

döks oet de aesterauge sprènge?”

 

“Ich höp haorkém, vlegevéngers,

mòtteböl, gare òm te stoppe.

Poetsplemaat, drökknuip, eléstiek

en sjriefpapier mit enveloppe."

 

"Sjoonreme, spange, sjoerpapier,

waskniepers, sjòttelsplék, briljentien.

Klòmpenagel, aerpelmétskes

en fléskes gezuverdje benzien”

 

“En waat dunktj uch hiejvan medam?

Eine toiletbäöstel väör de plé.

Twiae-gölje-vief-en-tachtig mér.

Dét is, inclusief de B.T.W.”

 

“Eine toiletbäöstel,” kréjtj medam.

“waat mót ich dao mit aan gaon vange?

Lès gólj ich eine, mér ich höb…

Gàw ’n gezèt weer opgehange!”

 

Een idee om te lezen: "04e broelof fanfare"