Dao is eine aoje Pejjer doad gegange
Dao is eine aoje Pejjer doad gegange
eine flinke geine bange.
Hae wirkdje hel ,woor neet gaw meug
mer zien leefdje väör väöl woor zien grootste deug.
Hae heel van zien kenjer en zien vrouw.
de pejjer kirk bleef ter door de jaore trouw.
Hae heel van Pej, van Rios en de fanfaar
mer 't meiste toch van zien vruike Claar
Hae haw eine haekel aan kwaoj wäörd
aan eine groate móndj mit äöverdreve wäörd.
Vónj 't neet fijn es minse ruzie maakdjen
zoa aan de plich van naastenleefdje verzaakdjen.
Vrouw Claar mós noe wujer zónger mins
haw waal nog eine vuryge wéns.
Zie wiltj altied aan 'm kenne denke
door edere daag aandach aan hun trouwfoto te blieve sjénke.
Zoa is Pej eine gooie Pejjer kwiet
det 't dörp vervóltj mit groate spiet.
Zien leste wäörd höb ich opgesjreve:
"Minse in Pej 't geitj uch good
en verleesj noat eure gooie mood!",
want Pej is en blif gastvrie en blie en braaf
ein dörpke sjoan good en gaaf.
Daorom zaetj deze aoje Pejjer:
"Gooien daag mien Pej en ouch Alaaf!"
