START BIDPRENTJES PEY & OMSTREKEN LILBOSCH & PEY 40-45 FOTOCOLLAGE TEKSTEN GASTENBOEK INFO

TEKSTEN

Hooste

geschreven door P.Feller Echt

Hooste

Kuëb woor eine leefhöbber van segrette

Hae ging geine stinkstek oetewaeg

E pekske met twintjig doeadskis naegel

Zwaamdje hae zonger meutje laeg

Hae stook de ein aan met de anger

Preufdje den toebak oppe tong

Kuëb dae reet, wie het zich huërdje

Zoea pekske laeg äöver de long

Stongste dök met Kuëb te kalle

Den dachste man, dae vent is riep

Om traploos nao de maon te sjieke

Doorloupendj huërste mer gepiep

Kuëb begos get las te kriege

Woor neet mië zoea good van aom

Dach, doe mos met dien lochventiele

Ens nao de medicienman gaon

Kuëb jong loester, zag den dokter

Met dien longe is get neet pluus

Doe pieps verdorie, moste huëre

Wie e gans nes katsje muus

Kuëb zag dokter motj geer huëre

Allein ’s mörgens staek ich nog ein aan

Mer ’s middigs is väör mich het paave

Väör ens en altied vanne baan

Allein ’s mörgens roukste, vroog den dokter

Waat duiste ’s middigs den, vertel ens flot

’s middigs zag Kuëb, neet te geluive dokter

’s middigs hoos ich mich kepot

Een idee om te lezen: "Jennissen Finke 103 jaar"