START BIDPRENTJES PEY & OMSTREKEN LILBOSCH & PEY 40-45 FOTOCOLLAGE TEKSTEN GASTENBOEK INFO

TEKSTEN

Oos Mam

Gedicht gekregen van Pierre Clerx

OOS MAM

 

Sie heet os verzeurgtj mit ’n leefdevol hert

Mit straolende auge van moodergeluk

Mit haop en vertoewe, det weer groot zoewe wère

Oôs-leef-vrouw aangeroope, heel veul en heel dök

 

En es ôs get mankeerdje van kinkhoos of mazele

Dan woor ze van oos bedje of weeg neet weg te slaon

En oos köpke gans road van de koors loog te gleuje

Det wit geine van ôs wat ze toen heet gedaon

 

Den kôs ze zoa sjoon auwerwets mit ôs beeje

Hel-op, allemaol same, det ’t klonk door ’t hoes

En es ze gooi zin haw, den leerde ze ôs versjes en leedjes

Van een hèske of kenienke of van ein moes

 

En ginge weer de straot op nao de kirk of nao sjoal

Den koom ze nog gauw aan de deur effe loere

Of oos bloese of strikke auch noch sjopan genôg woore

Wo bie ze dôk zuchdje “wie lang zal det sjoan zeen noch doere

 

Wie dôk heet ze oos sjoon en sjeunkes gesjoerdj

En wèk-in, wèk-oet, ganse tônne gewasse

Wie dôk heet men heur ’s nachts, es alles al sleep

Aan het stoppe en stôkkere nog kenne verrasse

 

En es ze ôs den saoterdigs ein-veur-ein wees

En ôs naegel verzeurgdje aan henj en aan teen

Den veel heur auch op, wie veul gestökkerdj mos wère

Aan rök en bökse kös ze det in de gauwigheit zeen

 

En eie nao veul plaoge de tied woor gekomme

Det weer op eige bein moste gaon staon

Doe heet ze veur ös in einzame uurkes

De rozekrans heel dôk door de henj laote gaon

 

En es het ôs mer good geitj den woor ze gelôkkich

Waat ze zelf neet kos misse det stoptjt ze ôs noch toe

En zoe ôs in de waereld auch alles verlaote

Auch in leid of in ermood bleef mam ôs troew 

 

Ich schei noe mer oet, want ich weit lang neet alles

Waat mam veur eerder van ôs heet gedaon

Zie wis det waal bèter, toch zagtj ze ’t neet

Dao wol ze allein mit de hemel in gaon

 

Noe gaon weer ôs mam ieëren

Veur alle leefdje ôs gegaeve

Ein fein kado hubbe weer veur uch gekoch

En veur eure dank det oetgezoch

 

Laef noch lang, mam, mit veul gelôk

Det winse alle kènjer, stôk veur stôk

Det weer ôs mam en oma noch lang moge verwenne

Det is de wens van alle kènjer en kleinkènjer

Een idee om te lezen: "Don Boscoschool 1962-1987"