t Smaalste stökske van Nederlandj
Melodie: Dem Land Tirol
Teks: Michelle Craenen-Denessen
Kouplet 1
Ich woon in Ech en bönauch hie gebaore
t Smaalste stökske van ós Nederlandj
Ich zal veur altied van dich blieve hoaje
Doe bös de parel van t Limburgs landj
Refrein
Ich bön zoë blie, om hie te moge laeve
t Smaalste stökske van ós Nederlandj
Hie is altied van alles te belaeve
Hie bön ich thoes, höb aan dich mien hert verpandj
Kouplet 2
Hie kens se fietse, wajele en slaope
Geneete van de pracht van de natuur
De grenzrn nao ut boetelandj staon aope
t Smaalste plekske vol kunst en kultuur
Kouplet 2
Ich woon in Ech en bönauch hie gebaore
t Smaalste stökske van ós Nederlandj
Ich zal veur altied van dich blieve hoaje
Doe bös de parel van t Limburgs landj
